6 лютага 2020 года ў гімназіі адбылася сустрэча вучняў 3 класа з аўтарам вучэбна-метадычнага комплексу факультытыўных заняткаў "Вытокі роднай мовы" Сцяпурка Валянцінай Сцяпанаўнай.

Валянціна Сцяпанаўна расказала дзецям пра сваю педагагічную дзейнасць, падзялілася творчымі знаходкамі. Яна параіла вучням працаваць з матэрыяламі "Рабочага сшытка" адказна і ўдумліва. Тады яны змогуць зразумець значнасць родных людзей і сяброў у сваім жыцці, навучацца правільна наладжваць адносіны з рознымі людзьмі.

Дзеці з задавальненнем паслухалі некалькі казак з яе зборніка "Казкі матулі-крыніцы".

Напрыканцы сустрэчы Сцяпурка В.С. падарыла кожнаму вучню свой аўтограф.