14 сакавіка ў гімназіі прайшло цікавае мерапрыемства – вэб-квэст “Успомнім іх подзвіг, згадаем іх твары”, прысвечаны 75-годдзю перамогі ў Вялікай Айчыннай вайне. У гульні бралі ўдзел каманды сёмых і восьмых класаў. Падчас гульні вучням неабходна было прайсці сем станцый:
- “Вайна ў лічбах”
- “Нашы землякі – наш гонар”
- “Паэтычная”
- “У суровым небе франтавым”
- “Гістарычная”
- “Мемарыяльная”
- “Ведай героя ў твар”
Месца размяшчэння кожнай станцыі гульцы вызначалі самастойна пасля складвання пазлаў і атрымання выявы аб’екта, які размяшчаецца на станцыі. А пазлы можна было атрымаць толькі пасля адказу на пытанні, што па змесце адпавядалі назве станцыі, і такім чынам прадэманстраваць свае веды пра падзеі Вялікай Айчыннай вайны, звязаныя з нашым родным горадам. Калі не ведалі адказу, дык інфармацыю можна было праз кюар-код узяць на адпаведных сайтах.
А яшчэ на станцыі кожная каманда атрымлівала частку шыфравальнага ліста. І на апошнім этапе вэб-квэста неабходна было скласці шыфраваны ліст і пры дапамозе прапанаванага ключа здагадацца, як ім карыстацца для прачытання шыфроўкі.
У выніку каманды прадэманстравалі выдатнае веданне тэмы. Толькі на 3 хвіліны каманда 7 класаў адстала ад каманды-пераможцы восьмых класаў. Віншуем усіх, хто далучыўся да такога незвычайнага свята ведаў!
