З 20 па 22 красавіка на базе цэнтра краязнаўства і турызму ў Брэсце праходзіў абласны краязнаўчы фестываль. Кожны раён вобласці дэлегіраваў адну каманду. Бярозаўшчыну прадстаўляў гісторыка-краязнаўчы музей гімназіі. У склад каманды ўвайшлі вучні 10-х класаў: Саўко Максім, Ермакова Дар’я і Жалтковіч Марыя. На працягу трох дзён праходзілі спаборніцтвы краязнаўцаў у чатырох розных намінацыях. Прыемна зазначыць, што ў трох намінацыях наша каманда была адзначана дыпломамі. За праект "Віртуальны музей" атрымалі дыплом пераможцы. Над праектам працавала і каманда настаўнікаў у складзе Бортніка Кірыла Генадзьевіча, Дземідовіч Святланы Аляксееўны, Скарыны Галіны Васільеўны.
У намінацыі "Прэзентацыя экскурсійнага маршрута" дыпломамі было адзначана пяць каманд, сярод якіх і наша. Экскурсійны маршрут прадстаўляла Ермакова Дар’я.
А яшчэ тры каманды былі адзначаны дыпломамі за прэзентацыю краязнаўчага праекта. І зноў мы ў ліку ўганараваных.
Сардэчна віншуем усіх членаў каманды, якія так годна прадставілі Бярозаўшчыну. Поспехаў вам ва ўсіх вашых справах!
Некаторыя прыемныя моманты фестывалю