У маі завяршыўся абласны этап рэспубліканскага творчага конкурсу чытальнікаў "Жывая класіка". Удзел у конкурсе бралі вучні ўстаноў агульнай сярэдняй адукацыі і ўстаноў дадатковай адукацыі дзяцей і моладзі.
На абласным этапе конкурсу ад вучняў 9-10 класаў Бярозаўшчыну прадстаўляла вучаніца 10 "А" класа гімназіі Карпінчык Ганна. Яна прачытала верш Ніны Мацяш "Маналог крыніцы, якую закідалі каменнем". Журы высока ацаніла выступленне Ганны і ўганаравала дыпломам першай ступені. Цяпер яна прадставіць Берасцейшчыну на рэспубліканскім свяце беларускага пісьменства, якое адбудзецца сёлета ў Полацку.
Віншуем цябе, Аня, і жадаем поспехаў на чарговым этапе!