Цікава і займальна прайшла класная гадзіна ў 6 "В" класе, прысвечаная Дню роднай мовы. Падзяліўшыся на тры каманды, вучні адправіліся ў гульню-падарожжа па краіне "Роднае слова". Дзяўчынкі і хлопчыкі адгадвалі загадкі, складалі анаграмы, паспрабавалі быць перакладчыкамі, паказалі сябе як моваведы і знаўцы беларускага фальклору (узгадвалі прыказкі і прымаўкі, пазнавалі фразеалагізмы па малюнку і давалі ім тлумачэнне).
У выніку лепшымі знаўцамі роднай мовы аказаліся удзельнікі каманды "Бульба". Яны атрымалі на памяць паштоўкі з 10 запаведзямі аб мове.