Музейная зкспазіцыя пад адкрытым небам “Камяні – спадчына нашых продкаў”, якая месціцца ў двары 1-й школы г. Белаазёрска, не можа пакінуць сваіх наведвальнікаў раўнадушнымі.

15 кастрычніка навучэнцы 8-х класаў гімназіі з асаблівай цікавасцю аглядалі гэтую адзіную ў вобласці музейную экспазіцыю. Экскурсавод Алег Вячаслававіч Крэсцьянінаў распавёў, што ў калекцыі некалькі дзясяткаў валуноў, якія ўтрымліваюць інфармацыю пра гістарычныя факты нашай Радзімы, пра цікавыя факты з жыцця і вераванняў іншых народаў планеты.

У канцы экскурсіі расказаў, як стваралі гэтую ўнікальную калекцыю, якім чынам звычайны камень-валун ператваралі ў музейны экспанат, што нясе пэўную інфармацыю  наведвальнікам.