Яшчэ ў 2015 годзе па ініцыятыве Савміна стартавала рэспубліканская благачынная акцыя “Сад Надзеі”. Таму стала добрай традыцыяй для беларусаў вясной ці восенню закладваць сад.

Сёлетняй восенню, 20 кастрычніка, у Год гістарычнай памяці прадстаўнікі савета гісторыка-краязнаўчага музея гімназіі сумесна з актывістамі ГА “БРСМ” прынялі ўдзел у благачыннай акцыі. Навучэнцамі былі высаджаны саджанцы вішань на тэрыторыі гімназіі. Саджанцы былі ахвяраваны нашымі настаўнікамі. І цяпер яны з нецярпеннем будуць чакаць першага ўраджаю вішань у сваім вішнёвым садзе.