15 ЛЮТАГА – асаблівы дзень для тых, хто прайшоў дарогамі Афганістана, з гонарам выканаў свой грамадзянскі абавязак, да канца застаўся верным прысязе і баявому братэрэрству. У календары дзяржаўных свят гэты дзень абазначаны як Дзень памяці воінаў-інтэрнацыяналістаў.
Менавіта з гэтай нагоды 16 лютага ў гімназіі адбылася сустрэча з воінам-інтэрнацыялістам Малушыным Васілём Васільевічам, лёс якога правёў не толькі ваеннамі дарогамі Афганістана, але і Егіпта. Васіль Васільевіч паведаў пра свой баявы шлях, расказаў, наколькі балюча ўспамінаць тыя цяжкія дні і па сённяшні дзень. Боль сэрца, пакуты душы для нашага героя выявіліся ў творчасці – Васіль Васільевіч пачаў пісаць песні, сам выконваць іх пад гітару. І, як адзначыў у выступленні, не столькі для аўдыторыі, сколькі для душы. Пад час сустрэчы некалькі сваіх патрыятычных песень прапанаваў паслухаць навучэнцам.