Сёлета роўна 15 год, як адышла ў іншасвет наша зямлячка, паэтка Ніна Мацяш. Яе не стала 19 снежня 2008 года.
У азнаменаванне гэтай жалобнай даты ў гімназіі прайшоў Дзень памяці слыннай паэкі. У межах гэтага дня навучэнцы арганізавалі агульнагімназічнае мерапрыемства, падчас якога ўспомнілі яе вобраз, адзначылі шматграннасць яе таленту, згадалі песенна-паэтычны альбом “Бэзавая завіруха”, а Вашкевіч Паліна праспявала песню “Воран кружыць” з гэтага альбома. Дзямко Кацярына і Тарасюк Алеся прачыталі вершы паэткі.
Завяршылася мерапрыемства сумесным выкананнем гімна гімназіі, словы і музыку якога напісала Ніна Мацяш.